TaDap-taDap ke Diivaano.n ne dam toDaa tha
Sunaa hai unke armaano.n ne dam toDaa tha
Waqt-e-gardish kii tapish thii jo mere par sulage
Kabhii merii bhi to uDaano.n ne dam toDaa tha
Ye kinaare to wahi.n dekho muskuraate hai.n
Kal jaha.n saikDo tuufaano.n ne dam toDaa tha
Waqt-e-rangiinii mei.n zamaana jinke saath rahaa
Ek viiraane mei.n sultaano.n ne dam toDaa tha
Apnii insaaniyat ko zindaa yaha.n rakhne ko
Ye bataa koun se insaano.n ne dam toDaa tha
No comments:
Post a Comment