Dar raha na kashaana koi...

sab jaa chukaa tha, dar raha na kashaana koi
ashko.n se bhigone ko dekhta tha shaana koi

bhatakta hua aa-pahoncha hu.n ku-e-dost tak
purane zakhmo.n kii ab naa yaad dilana koi.

Aah!! phool jitney miley sab khar-daar they
Chubhte hai.n bohot palko.n se naa uthana koi

Barish ke paani se bach bach ke chalta hu.n
Yaad aa jaye nahi.n, guzra zamana koi

Mera asbaab-e-mal-o-asbaab dekh na jana
Nikla hu.n ke mil jaye ab thikaana koi.